由小學開始，每日都對住電腦，產生對電子/網絡世界有一種想駕馭所有，想擁有一切智能環境。從很小覺得生動有趣嘅多媒體，就有一種被佢深深吸引嘅鍾情，就好似曾經興起一時嘅Powerpoint!

平平凡凡過左個小學，到咗中學，有班同學叫我研究一下到底點樣先可以擁有一個自己話事嘅論壇。個陣時係中一，我竟然用左民間個啲免費Web Hosting放咗自己第一個Discuz為核心的草草

個時我記得都有四千幾位會員，當中仲有啲曾經係現實見過面，再一次，科技令我覺得可以將自己嘅興趣昇華到另一個層次，識朋友。大約係喺2004年，當時係無社交網路出現，而我就可以利用會員開Post機制，約到唔同學校嘅同居朋友出黎玩。而最深刻印象一次，係約一班會員出黎玩遊戲王，個種方便識朋友感覺，係我第一次用網絡而感到自我感覺良好一次，亦都係屬於揾到自信心。

關於愛情方面，我都有試過係網絡世界談戀愛，其中網絡的確係有對人與人之間關係改善。然而，那位情人並唔係由網絡上認識的，點都好，我覺得經由論壇呢個工具，我係有對對方了解深入左，因為當時興心理測試，會員要將自己答案放上去回覆，先會知道自己究竟係咩心理狀態，但答案根本就唔重要，最重要係知道另一半會在什麼情況下做出什麼事情來。

到了近來，時興智能家居，我已經架設咗屬於自己嘅家居數據中心。經由Network Attached Storage，佢一黎功耗低，二來靜。其三功能多，真係實在有太多講唔出好處。

到底，你又點樣看待資訊科技呢?IT帶來的好處你有幾多係受益，到底IT係咪真係有存在價值，我係生活裡面會慢慢推薦一啲有用嘅科技產品出黎。